குறள் 881-890 உட்பகை

குறள் 881:.

நிழல்நீரும் இன்னாத இன்னா தமர்நீரும் 
இன்னாவாம் இன்னா செயின்.

Tamil meaning

இனிமையாகத் தெரியும் நிழலும் நீரும்கூடக் கேடு விளைவிக்கக் கூடியவையாக இருந்தால் அவை தீயவைகளாகவே கருதப்படும். அது போலவேதான் உற்றார் உறவினராக உள்ளவர்களின் உட்பகையும் ஆகும். 

English meaning

Shade and water are not pleasant, (if) they cause disease; so are the qualities of (one's) relations not agreeable, (if) they cause pain. 

குறள் 882:.

வாள்போல பகைவரை அஞ்சற்க அஞ்சுக 
கேள்போல் பகைவர் தொடர்பு.

Tamil meaning

வெளிப்படையாக எதிரே வரும் பகைவர்களைவிட உறவாடிக் கெடுக்க நினைப்பவர்களிடம்தான் எச்சரிக்கையாக இருக்க வேண்டும். 

English meaning

Fear not foes (who say they would cut) like a sword; (but) fear the friendship of foes (who seemingly act) like relations. 

குறள் 883:.

உட்பகை அஞ்சித்தற் காக்க உலைவிடத்து 
மட்பகையின் மாணத் தெறும்.

Tamil meaning

உட்பகைக்கு அஞ்சி ஒருவன் தன்னைப் பாதுகாத்துக் கொள்ள வேண்டும். இல்லாவிட்டால் ஒரு சோதனையான நேரத்தில் பச்சை பாண்டத்தை அறுக்கும் கருவிபோல அந்த உட்பகை அழிவு செய்துவிடும். 

English meaning

Fear internal enmity and guard yourself; (if not) it will destroy (you) in an evil hour, as surely as the tool which cuts the potter's clay. 

குறள் 884:.

மனமாணா உட்பகை தோன்றின் இனமாணா 
ஏதம் பலவும் தரும்.

Tamil meaning

மனம் திருந்தாத அளவுக்கு உட்பகை விளைவிக்கும் உணர்வு ஒருவனுக்கு ஏற்பட்டுவிடுமானால், அது அவனைச் சேர்ந்தவர்களையே பகைவராக்கும் கேட்டினை உண்டாக்கி விடும். 

English meaning

he secret enmity of a person whose mind in unreformed will lead to many evils causing disaffection among (one's) relations. 

குறள் 885:.

உறல்முறையான்  உட்பகை  தோன்றின்  இறல்முறையான் 
ஏதம் பலவும் தரும்.

Tamil meaning

நெருங்கிய உறவினருக்கிடையே தோன்றும் உட்பகையானது அவர்களுக்குக் கேடு விளைவிக்கக் கூடிய பல துன்பங்களை உண்டாக்கும். 

English meaning

If there appears internal hatred in a (king's) family; it will lead to many a fatal crime. 

குறள் 886:.

ஒன்றாமை ஒன்றியார் கட்படின் எஞ்ஞான்றும் 
பொன்றாமை ஒன்றல் அரிது.

Tamil meaning

ஒன்றி இருந்தவர்களிடையே உட்பகை தோன்றி விடுமானால், அதனால் ஏற்படும் அழிவைத் தடுப்பது என்பது எந்தக் காலத்திலும் அரிதான செயலாகும். 

English meaning

If hatred arises among (one's) own people, it will be hardly possible (for one) to escape death. 

குறள் 887:.

செப்பின் புணர்ச்சிபோல் கூடினும் கூடாதே 
உட்பகை  உற்ற  குடி.

Tamil meaning

செப்பு எனப்படும் சிமிழில் அதன் மூடி பொருந்தியிருப்பது போல வெளித்தோற்றத்துக்கு மட்டுமே தெரியும் அவ்வாறே உட்பகையுள்ளவர்கள் உளமாரப் பொருந்தியிருக்க மாட்டார்கள். 

English meaning

Never indeed will a family subject to internal hatred unite (really) though it may present an apparent union like that of a casket and its lid. 

குறள் 888:.

அரம்பொருத பொன்போலத் தேயும் உரம்பொருது 
உட்பகை உற்ற குடி.

Tamil meaning

அரத்தினால் தேய்க்கப்படும் இரும்பின் வடிவமும் வலிமையும் குறைவதைப் போல, உட்பகை உண்டான குலத்தின் வலிமையும் தேய்ந்து குறைந்து விடும். 

English meaning

A family subject to internal hatred will wear out and lose its strength like iron that has been filed away. 

குறள் 889:.

எட்பக வன்ன சிறுமைத்தே ஆயினும் 
உட்பகை உள்ளதாங் கேடு.

Tamil meaning

எள்ளின் பிளவுபோன்று சிறிதாக இருந்தாலும் உட்பகையால் பெருங்கேடு விளையும்.

English meaning

Although internal hatred be as small as the fragment of the sesamum (seed), still does destruction dwell in it. 

குறள் 890:.

உடம்பாடு இலாதவர் வாழ்க்கை குடங்கருள் 
பாம்போடு உடனுறைந் தற்று.

Tamil meaning

உள்ளத்தால் ஒன்றுபடாதவர்கள் கூடிவாழ்வது என்பது ஒரு சிறிய குடிலுக்குள் பாம்புடன் இருப்பது போன்று ஒவ்வொரு நொடியும் அச்சம் தருவதாகும். 

English meaning

Living with those who do not agree (with one) is like dwelling with a cobra (in the same) hut.