குறள் 671-680 வினைசெயல்வகை

குறள் 671:.

சூழ்ச்சி முடிவு துணிவெய்தல் அத்துணிவு 

தாழ்ச்சியுள் தங்குதல் தீது.

Tamil meaning

ஒரு செயலில் ஈடுபட முடிவெடுக்கும்போது அச்செயலால் விளையும் சாதக பாதகங்கள் பற்றிய ஆராய்ச்சியும் முடிவடைந்திருக்க வேண்டும். முடிவெடுத்த பிறகு காலந்தாழ்த்துவது தீதாக முடியும். 

English meaning

Consultation ends in forming a resolution (to act); (but) delay in the execution of that resolve is an evil. 

குறள் 672:.

தூங்குக தூங்கிச் செயற்பால தூங்கற்க 

தூங்காது செய்யும் வினை.

Tamil meaning

நிதானமாகச் செய்ய வேண்டிய காரியங்களைத் தாமதித்துச் செய்யலாம், ஆனால் விரைவாகச் செய்ய வேண்டிய காரியங்களில் தாமதம் கூடாது. 

English meaning

Sleep over such (actions) as may be slept over; (but) never over such as may not be slept over.

குறள் 673:.

ஒல்லும்வா யெல்லாம் வினைநன்றே ஒல்லாக்கால் 

செல்லும்வாய் நோக்கிச் செயல்.

Tamil meaning

இயலும் இடங்களில் எல்லாம் செயல் முடிப்பது நலம் தரும். இயலாத இடமாயின் அதற்கேற்ற வழியை அறிந்து அந்தச் செயலை முடிக்க வேண்டும். 

English meaning

Whenever it is possible (to overcome your enemy) the act (of fighting) is certainly good; if not, endeavour to employ some more successful method. 

குறள் 674:.

வினைபகை என்றிரண்டின் எச்சம் நினையுங்கால் 

தீயெச்சம் போலத் தெறும்.

Tamil meaning

எற்ற செயலையோ, எதிர்கொண்ட பகையையோ முற்றாக முடிக்காமல் விட்டுவிட்டால் அது நெருப்பை அரை குறையாக அணைத்தது போலக் கேடு விளைவிக்கும். 

English meaning

When duly considered, the incomplete execution of an undertaking and hostility will grow and destroy one like the (unextinguished) remnant of a fire. 

குறள் 675:.

பொருள்கருவி காலம் வினையிடனொடு ஐந்தும் 

இருள்தீர எண்ணிச் செயல்.

Tamil meaning

ஒரு காரியத்தில் ஈடுபடுவதற்கு முன்பு, அதற்குத் தேவையான பொருள், ஏற்ற கருவி, காலம், மேற்கொள்ளப் போகும் செயல்முறை, உகந்த இடம் ஆகிய ஐந்தையும் குறையில்லாமல் பார்த்துக் கொள்ள வேண்டும். 

English meaning

Do an act after a due consideration of the (following) five, viz. money, means, time, execution and place. 

குறள் 676:.

முடிவும் இடையூறும் முற்றியாங்கு எய்தும் 

படுபயனும் பார்த்துச் செயல்.

Tamil meaning

ஈடுபடக்கூடிய ஒரு செயலால் எதிர்பார்க்கப்படும் பயன், அதற்கான முயற்சிக்கு இடையே வரும் தடைகள், அச்செயலாற்றுதவற்கான முறை ஆகிய அனைத்தையும் முதலில் ஆராய்ந்து அறிந்து கொள்ள வேண்டும். 

English meaning

An act is to be performed after considering the exertion required, the obstacles to be encountered, and the great profit to be gained (on its completion). 

குறள் 677:.

செய்வினை செய்வான் செயன்முறை அவ்வினை 

உள்ளறிவான் உள்ளம் கொளல்.

Tamil meaning

ஒரு செயலில் ஈடுபடுகிறவன், அச்செயல் குறித்து முழுமையாக உணர்ந்தவனின் கருத்தினை முதலில் அறிந்து கொள்ள வேண்டும். 

English meaning

The method of performance for one who has begun an act is to ascertain the mind of him who knows the secret thereof. 

குறள் 678:.

வினையான் வினையாக்கிக் கோடல் நனைகவுள் 

யானையால் யானையாத் தற்று.

Tamil meaning

ஒரு செயலில் ஈடுபடும்போது, அச்செயலின் தொடர்பாக மற்றொரு செயலையும் முடித்துக் கொள்வது ஒரு யானையைப் பயன்படுத்தி மற்றொரு யானையைப் பிடிப்பது போன்றதாகும். 

English meaning

To make one undertaking the means of accomplishing another (similar to it) is like making one rutting elephant the means of capturing another. 

குறள் 679:.

நட்டார்க்கு நல்ல செயலின் விரைந்ததே 

ஒட்டாரை ஒட்டிக் கொளல்.

Tamil meaning

நன்பருக்கு நல்லுதவி செய்வதைக் காட்டிலும் பகைவராயிருப்பவரைத் தம்முடன் பொருந்துமாறு சேர்த்துக் கொள்ளுதல் விரைந்து செய்யத் தக்கதாகும். 

English meaning

One should rather hasten to secure the alliance of the foes (of one's foes) than perform good offices to one's friends. 

குறள் 680:.

உறைசிறியார் உள்நடுங்கல் அஞ்சிக் குறைபெறின் 

கொள்வர் பெரியார்ப் பணிந்து.

Tamil meaning

தம்மைவிட வலிமையானவர்களை எதிர்ப்பதற்குத் தம்முடன் இருப்பவர்களே அஞ்சும்போது தாம் எதிர்பார்க்கும் பலன் கிட்டுமானால் அவர்கள் வலியோரை வணங்கி ஏற்றுக் கொள்வார்கள். 

English meaning

Ministers of small states, afraid of their people being frightened, will yield to and acknowledge their superior foes, if the latter offer them a chance of reconciliation.