குறள் 411-420 கேள்வி

குறள் 411:.

செல்வத்துட் செல்வஞ் செவிச்செல்வம் அச்செல்வம் 

செல்வத்து ளெல்லாந் தலை.

Tamil meaning

செழுமையான கருத்துகளைச் செவிவழியாகப் பெறும் செல்வமே எல்லாச் செல்வங்களுக்கும் தலையாய செல்வமாகும்.

English meaning

Wealth (gained) by the ear is wealth of wealth; that wealth is the chief of all wealth.

குறள் 412:.

செவுக்குண வில்லாத போழ்து சிறிது 

வயிற்றுக்கும் ஈயப் படும்.

Tamil meaning

செவி வழியாக இன்பம் தரும் உணவு இல்லாதபோதே சிறிதளவு உணவு வயிற்றுக்குத் தரும் நிலை ஏற்படும்.

English meaning

When there is no food for the ear, give a little also to the stomach.

குறள் 413:.

செவியுணவிற் கேள்வி யுடையார் அவியுணவின் 

ஆன்றாரோ டொப்பர் நிலத்து.

Tamil meaning

குறைந்த உணவருந்தி நிறைந்த அறிவுடன் விளங்கும் ஆன்றோர்க்கு ஒப்பாகக் கேள்வி ஞானம் எனும் செவியுணவு அருந்துவோர் எண்ணப்படுவர்.

English meaning

Those who in this world enjoy instruction which is the food of the ear, are equal to the Gods, who enjoy the food of the sacrifices.

குறள் 414:.

கற்றில னாயினுங் கேட்க அஃதொருவற்கு 

ஒற்கத்தின் ஊற்றாந் துணை.

Tamil meaning

நூல்களைக் கற்காவிட்டாலும், கற்றவரிடம் கேட்டுத் தெரிந்து கொண்டால், அது நடை தளர்ந்தவனுக்கு உதவிடும் ஊன்றுகோலைப் போலத் துணையாக அமையும்.

English meaning

Although a man be without learning, let him listen (to the teaching of the learned); that will be to him a staff in adversity.

குறள் 415:.

இழுக்கல் உடையுழி ஊற்றுக்கோல் அற்றே 

ஒழுக்க முடையார்வாய்ச் சொல்.

Tamil meaning

வழுக்கு நிலத்தில் நடப்பதற்கு ஊன்றுகோல் உதவுவது போல் ஒழுக்கம் உடையவர்களின் அறிவுரையானது உதவும்.

English meaning

The words of the good are like a staff in a slippery place.

குறள் 416:.

எனைத்தானும் நல்லவை கேட்க அனைத்தானும் 

ஆன்ற பெருமை தரும்.

Tamil meaning

நல்லவற்றை எந்த அளவுக்குக் கேட்கிறோமோ அந்த அளவுக்குப் பெருமை கிடைக்கும் என்ற நம்பிக்கையுடன் இருக்க வேண்டும்.

English meaning

Let a man listen, never so little, to good (instruction), even that will bring him great dignity.

குறள் 417:.

பிழைத்துணர்ந்தும் பேதைமை சொல்லா ரிழைத்துணர்ந் 

தீண்டிய கேள்வி யவர்.

Tamil meaning

எதையும் நுணுகி ஆராய்வதுடன் கேள்வி அறிவும் உடையவர்கள், சிலவற்றைப் பற்றித் தவறாக உணர்ந்திருந்தாலும் கூட, அப்போதும் அறிவற்ற முறையில் பேசமாட்டார்கள்.

English meaning

Not even when they have imperfectly understood (a matter), will those men speak foolishly, who have profoundly studied and diligently listened (to instruction).

குறள் 418:.

கேட்பினுங் கேளாத் தகையவே கேள்வியால் 

தோட்கப் படாத செவி.

Tamil meaning

இயற்கையாகவே கேட்கக்கூடிய காதுகளாக இருந்தாலும் அவை நல்லோர் உரைகளைக் கேட்க மறுத்தால் செவிட்டுக் காதுகள் என்றே கூறப்படும்.

English meaning

The ear which has not been bored by instruction, although it hears, is deaf.

குறள் 419:.

நுணங்கிய கேள்விய ரல்லார் வணங்கிய 

வாயின ராதல் அரிது.

Tamil meaning

தெளிவான கேள்வியறிவு இல்லாதவர்கள், அடக்கமாகப் பேசும் அமைதியான பண்புடையவர்களாக இருக்க இயலாது.

English meaning

It is a rare thing to find modesty, a reverend mouth- with those who have not received choice instruction.

குறள் 420:.

செவியிற் சுவையுணரா வாயுணர்வின் மாக்கள் 

அவியினும் வாழினும் என்?

Tamil meaning

செவிச்சுவை உணராமல் வாயின் சுவைக்காக மட்டுமே வாழும் மக்கள் உயிரோடு இருப்பதும் ஒன்றுதான் இல்லாமற் போவதும் ஒன்றுதான்.

English meaning

What does it matter whether those men live or die, who can judge of tastes by the mouth, and not by the ear ?