குறள் 381-390 இறைமாட்சி

குறள் 381:.

படைகுடி கூழ்அமைச்சு நட்பரண் ஆறும் 

உடையான் அரசருள் ஏறு.

Tamil meaning

ஆற்றல்மிகு படை, அறிவார்ந்த குடிமக்கள், குறையா வளம், குறையற்ற அமைச்சு, முரிபடாத நட்பு, மோதியழிக்க முடியாத அரண் ஆகிய ஆறு சிறப்புகளும் உடையதே அரசுகளுக்கிடையே ஆண் சிங்கம் போன்ற அரசாகும்.

Translation:.
English meaning

He who possesses these six things, an army, a people, wealth, ministers, friends and a fortress, is a lion among kings.

குறள் 382:.

அஞ்சாமை ஈகை அறிவூக்கம் இந்நான்கும் 

எஞ்சாமை வேந்தர்க் கியல்பு.

Tamil meaning

துணிவு, இரக்க சிந்தை, அறிவாற்றல், உயர்ந்த குறிக்கோளைஎட்டும் முயற்சி ஆகிய நான்கு பண்புகளும் அரசுக்குரிய தகுதிகளாகும்.

Translation:.
English meaning

Never to fail in these four things, fearlessness, liberality, wisdom, and energy, is the kingly character.

குறள் 383:.

தூங்காமை கல்வி துணிவுடைமை இம்மூன்றும் 

நீங்கா நிலனான் பவர்க்கு.

Tamil meaning

காலம் தாழ்த்தாத விரைவான நடவடிக்கைகளும், அறிவுடைமையும், துணிவும் நாடாளுகின்றவர்களுக்குத் தேவையானவையும், நீங்காமல் நிலைத்திருக்க வேண்டியவையுமான பண்புகளாகும்.

Translation:.
English meaning

These three things, viz., vigilance, learning, and bravery, should never be wanting in the ruler of a country.

குறள் 384:.

அறனிழுக்கா தல்லவை நீக்கி மறனிழுக்கா 

மானம் உடைய தரசு.

Tamil meaning

அறநெறி தவறாமலும், குற்றமேதும் இழைக்காமலும், வீரத்துடனும், மானத்துடனும் ஆட்சி நடத்துபவர்களே சிறந்தவர்களாவார்கள்.

Translation:.
English meaning

He is a king who, with manly modesty, swerves not from virtue, and refrains from vice.

குறள் 385:.

இயற்றலும் ஈட்டலுங் காத்தலும் காத்த 

வகுத்தலும் வல்ல தரசு.

Tamil meaning

முறையாக நிதி ஆதாரங்களை வகுத்து, அரசாங்கக் கருவூலத்திற்கான வருவாயைப் பெருக்கி, அதைப் பாதுக்காத்துத் திட்டமிட்டுச் செலவிடுவதுதான் திறமையான நல்லாட்சிக்கு இலக்கணமாகும்.

Translation:.
English meaning

He is a king who is able to acquire (wealth), to lay it up, to guard, and to distribute it.

குறள் 386:.

காட்சிக் கெளியன் கடுஞ்சொல்லன் அல்லனேல் 

மீக்கூறும் மன்னன் நிலம்.

Tamil meaning

காட்சிக்கு எளிமையும், கடுஞ்சொல் கூறாத இனிய பண்பாடும் உடைய அரசைத்தான் உலகம் புகழும்.

Translation:.
English meaning

The whole world will exalt the country of the king who is easy of access, and who is free from harsh language.

குறள் 387:.

இன்சொலால் ஈத்தளிக்க வல்லார்க்குத் தன்சொலால் 

தான்கண் டனைத்திவ் வுலகு.

Tamil meaning

வாக்கில் இனிமையும், பிறர்க்கு வழங்கிக் காத்திடும் தன்மையும் கொண்டவர்க்கு இவ்வையகமே வசப்படும்.

Translation:.
English meaning

The world will praise and submit itself to the mind of the king who is able to give with affability, and to protect all who come to him.

குறள் 388:.

முறைசெய்து காப்பாற்றும் மன்னவன் மக்கட்கு 

இறையென்று வைக்கப் படும்.

Tamil meaning

நீதிநெறியுடன் அரசு நடத்தி, மக்களைக் காப்பாற்றும் ஆட்சியாளன்தான் மக்களுக்குத் தலைவன் எனப் போற்றப்படுவான்.

Translation:.
English meaning

That king, will be esteemed a God among men, who performs his own duties, and protects (his subjects).

குறள் 389:.

செவிகைப்பச் சொற்பொறுக்கும் பண்புடை வேந்தன் 

கவிகைக்கீழ்த் தங்கும் உலகு.

Tamil meaning

காதைக் குடையக்கூடிய கடுஞ்சொற்களையும் பொறுத்துக் கொள்கிற பண்பாளரின் அரசுக்குத்தான் மக்களிடம் மதிப்பு இருக்கும்.

Translation:.
English meaning

The whole world will dwell under the umbrella of the king, who can bear words that embitter the ear.

குறள் 390:.

கொடையளி செங்கோல் குடியோம்பல் நான்கும் 

உடையானாம் வேந்தர்க் கொளி.

Tamil meaning

நலவாழ்வுக்கு வேண்டியவற்றை வழங்கியும், நிலையுணர்ந்து கருணை காட்டியும், நடுநிலை தவறாமல் ஆட்சி நடத்தியும், மக்களைப் பேணிக் காப்பதே ஓர் அரசுக்குப் புகழொளி சேர்ப்பதாகும்.

Translation:.
English meaning

He is the light of kings who has there four things, beneficence, benevolence, rectitude, and care for his people.